Jos 15 | ZomZIV | STEP | Judah beh a bawng’bawng’te sehtanh, Edom gam dongah kikhungsuk a, leitaw-lam pekpek Zin sehnel-gam dong ahi hi.

Joshua 15

Judah Sehtanh

1 Judah beh a bawng’bawng’te sehtanh, Edom gam dongah kikhungsuk a, leitaw-lam pekpek Zin sehnel-gam dong ahi hi.

2 A gamgi uh leitaw lamah, Ci Tuipi ^{▼▼15.2 Tua in Si Tuipi tg.5 ah zong} leitaw-lam mong panin kipana, 3 Mom-ai ^{▼▼15.3 Hebrew ah Akrabbim} Ciangpi leitaw lam kantanin Zin ah kizom suaka Kadesh Barnea leitaw lamah a paisuak hi. Tua ciang Hezron dung tawnin Addar lamah kikhungto-a, Karka a kualkhum hi. 4 Tua ciangin Azmon dungah pai-in Egypt Wadi zoma, tuipi ah tawp hi. Hih in amaute ^{▼▼15.4 Hebrew in nang} leitaw-lam gamgi ahi hi.
5 Nisuahna gamgi pen Ci Tuipi dung Jordan gun tun dong ahi hi. ^d
Leilu-lam gamgi, tuipi gei Jordan tun panin kipana, 6 Beth Hoglah ah paito in Beth Arabah leilu-lam zoma Reuben’ tapa Bohan’ Suangtumpi a sun hi. 7 Tua ciangin gamgi Achor Kuam panin Debir ah paito-a, Gilgal lam manawhin leilu lamah kihei-a, kuam leitaw lama Adummim Ciangpi a maingat hi. En Shemesh Tuite dungah kizomsuak a En Rogel ah suakkhia hi. 8 Tua ciangin Ben Hinnom Kuam dong Jebus-te khuapi (tua pen Jerusalem) leitaw-lam dungah zui-in a paito hi. Tua lai panin Rephaim Kuam leilu-lam monga om Hinnom Kuam nitumna-lam mualneu dawnah a kahto hi. 9 Mualneu dawn panin gamgi, Nephtoah Tuinakte lam maingatin Ephron Vum a khuapite ah suakkhia-a Baalah (tua pen Kiriath Jearim) lam manawhin a paisuk hi. 10 Tua ciangin Baalah panin Seir Vum lamah kawiphei a Jearim Vum (tua pen Keslon) dung leilu lamah paisukin Beth Shemesh zomsuka Timnah ah a galkah hi. 11 Tuateh Ekron leilu-lam dung zui a, Shikkeron lamah kihei phei-in Baalah Vum dung kantana Jabneel a ban hi. Tuipi ah gamgi a tawp hi. ^e
12 A nitumna-lam gamgi Tuipi lian ^{▼▼15.12 Tua pen Mediterranean tg.47 ah zong} dungdung ahi hi. ^g

Judah mite, a bawng’te uh tawh kizui-in a kimkot ua gamgite hihte ahi hi.

13 TOPA in Joshua a thupiakna tawh kizui-in amah in Jephunneh’ tapa Caleb tungah Judah - Kiriath Arba tua pen, Hebron sungah tanh khat a pia hi. (Anak pu Arba ahi hi.) 14 Hebron panin Caleb in Anak suante ahi - Anak mite thum - Sheshai, Ahiman, le Talmai a hawlkhia hi. 15 Tua lai panin Debir (a masa in Kiriath Sepher kici) mite do dingin a kuan hi. 16 Tuateh Caleb in, “Kiriath Sepher sim-a, a la zo pa ka tanu Acsah tawh ka tengsak ding hi,” a ci hi. 17 Caleb sanggampa Kenaz’ tapa Othniel in a la zo hi; Tua ciangin Caleb in a tanu Acsah tawh amah a kitengsak hi.

18 Ni khat tuanu Othniel kiangah pai-in a pa tungah lo khat a nget dingin amah ^{▼▼15.18 Hebrew le Septuagint khutgelh pawlkhat; adang Septuagint khutgelh pawl khatte ah(Tk. 1:14 zong en in) Othniel, amah in tuanu hanthawn} a hah sawl hi. Amah laa tung pan a tuahkhiat ciangin Caleb in, “Nang ading bang kong hihsak ding hiam?” ci-in a dong hi.

19 Tuanu in, “Kei hong angvan tuam diak in. Negev ah leitang nong piak khit nungsang, tuikhukte zong hong pia in,” ci-in a dawng hi. Tua ciangin Caleb in tuikhuk tungnung le tuikhuk nuainungte a pia hi.

20 Judah beh in a bawng’bawng’a, a luah ding uh hih ahi hi:

21 Negev sunga om, Edom tawh gamgi lampang leitaw-lam a nehpen Judah behte khuapite:

Kabzeel, Eder, Jagur, 22 Kinah, Dimonah, Adadah, 23 Kedesh, Hazor, Ithnan, 24 Ziph, Telem, Bealoth, 25 Hazor Hadattah, Kerioth Hezron (tua pen Hazor) 26 Amam, Shema, Moladah, 27 Hazar Gaddah, Heshmon, Beth Pelet, 28 Hazar Shual, Beersheba, Biziothiah, 29 Baalah, Iim, Ezem, 30 Eltolad, Kesil, Hormah, 31 Ziglak, Madmannah, Sansanah, 32 Lebaoth, Shillim, Ain le Rimmon - a vekpi in khuapi sawmnih le kua le a khuaneute ahi hi.

33 Nitumna-lam mualbul ah:

Eshtaol, Zorah, Ashnah, 34 Zanoah, En Gannim, Tappuah, Enam, 35 Jarmuth, Adullam, Socoh, Azekah, 36 Shaaraim, Adithaim, le Gederah (ahikeh Gederothaim) ^{▼▼15.36 Ahikeh Gederah le Gederothaim} - a khuapi sawm le li le a khuaneute ahi hi.
37 Zenan, Hadshah, Migdal Gad, 38 Dilean, Mizpah, Joktheel, 39 Lachish, Bozkath, Eglon, 40 Cabbon, Lahmas, Kitlish, 41 Gederoth, Beth Dagon, Naamah le Makkedah - khuapi sawm le guk le a khuaneute ahi hi.
42 Libnah, Ether, Ashan, 43 Iphtah, Ashnah, Nezib, 44 Keilah, Aczib le Mereshah - khuapi kua le a khuaneute ahi hi. ^j
45 Ekron a kimkot a tengte le a khuaneute tawh, 46 Ekron nitumna lam, Ashdod a khua vengte khempeuh, a khuaneute tawh; 47 Ashdod a kimkota tengte le a khuaneute le Gaza, a kimkota tengte le a khuaneute, Egypt Wadi dong le Tuipi Lian gei ciang dong ahi hi. ^k

48 Mualtung gamte:

Shamir, Jattir, Socoh, 49 Dannah, Kiriath Sannah (tua pen Debir), 50 Anab, Eshtemoh, Anim, 51 Goshen, Holon le Giloh - khuapi sawm le khat le a khuaneute ahi hi. ^l
52 Arab, Dumah, Eshan, 53 Janim, Beth Tappuah, Aphekah, 54 Humtah, Kiriath Arba (tua pen Hebron) le Zior - khuapi kua le a khuaneute ahi hi. ^m
55 Maon, Carmel, Ziph, Juttah, 56 Jezreel, Jokdeam, Zanoah, 57 Kain, Gibeah le Timnah - khuapi sawm le a khuaneute ahi hi. ⁿ
58 Halhul, Beth Zur, Gedor, 59 Maarath, Beth Anoth le Eltekon - khuapi guk le a khuaneute ahi hi.
60 Kiriath Baal (tua pen Kiriath Jearim) le Rabbah - khuapi nih le a khuaneute ahi hi.

61 Sehnel-gam ah:

Beth Arabah, Middin, Secacah, 62 Nibshan, Ci Khuapi le En Gedi - khuapi guk le a khuaneute ahi hi. ^o

63 Judah in Jerusalem a teng Jebus-te a hawlkhia zo kei hi; tuni dongin Jebus-te tua lai-ah Judah mite tawh a tengkhawm uh hi.